Erste Niederlage

Wege dere wunderbare Velo-WM sind einigi Strasse bekanntlich gsperrt worde. Mir hend natürlich s‘Glück gha, dass mir genau um die Zyte hend müesse uf Meile usefahre. Die eint oder ander isch darum erst uf Matchbeginn ih de Halle gstande. Und so wied Ahfahrt xii isch, so ischs Spiel denn au xii. Am Ahfang positiv und irgendwenn hend mer denn chli d‘Nerve verlore und am Schluss leider wieder ohni Pünkt müesse heifahre… wenigstens denn wieder ohni Strassesperrige.